40度的夢魘

前言：

本篇內容與溫室效應、冰川溶解無關
亦不存在任何宗教立場及政治目的
純粹個人感想及經歷
如有雷同者，實屬不幸 ^_______^,

Lunch Hour ...
雖然尋日留係屋企攤屍
但依然有D痴痴呆呆
扒係張檯到Hea一陣後
好傳統咁用手試下額頭係咪發滾 (其實病人自己係咪Feel唔到ka??)
度緊駛唔駛提早OFF
可能當時我對手凍冰冰 (但喉嚨興到可以噴火)
所以淨係覺得額頭暖暖地...

幾經辛苦終於撐到收工
由於近期被密集式既紅色流彈所傷
顯得份外清貧的小弟聽從公司內高人既指示
去到地區既診所跟阿伯、阿嬸們一齊『輪街證』
當我就黎"High"到登記處窗框時
右面突然閃出一位白衣"阿蟬"
二話不說就拎起支死光槍"咇"我

阿嬋：阿生 ~ 成40度燒 ~ 你有病喎！
小弟：阿姐！唔通我無啦啦走黎診所玩排隊咩? 無病無痛我就唔會黎la ~
阿嬋：咁你仲係到做咩？ 仲唔快D去搵醫生？
小弟：唔通你見唔到我排緊隊登記？
阿嬋：但今日既籌派晒囉喎？ 登記唔到ka啦... 
小弟：咁你都比我登記左先啦 ~
阿嬋：都話無籌囉喎 ~ 你仲登咩記？ 你再打電話黎預約先啦 ~
小弟：呀姑娘 ~ 乜第一次唔係要親身登記完先可以電話預約既咩? 定係你知我病，所以唔駛登記就可以見醫生先?
阿嬋：......

比阿嬋耍完一輪後先叫做攪掂左電話預約既登記手續
轉頭走左去附近既聯工會睇醫生 (見佢間野乜無人排隊)
醫生：你乜事呀?
小弟(心諗)：醫生你係咪玩野呀？唔通我會話無事呀！只係經過黎坐下咋！
小弟(口講)：我應該係發燒，另加感冒同咳... 咳 ~ 咳咳 (頭先咪有護士同我Check過囉)
醫生：咦！頭先護士同你探熱 ~ 有成40度WOW！都幾高燒下
小弟：咁即係點？
醫生：即係你要返屋企抖返2日囉！再唔退燒既就要入院檢查la ~~~
由探熱 (用探熱針>_<") 至睇完醫生全程唔駛廿分鐘攪掂
臨離開時小弟心諗：唔會咁邪中左豬流感呀！ 唔知係佢既醫術高超定係咁易交行貨算？昅左我兩眼就開藥叫我返歸......

零晨時分 ~
額頭開始係到煲水
攤係床到既我都攪唔清楚究竟係瞓著左呀
定只係合埋眼休息 ??
或者工作性質既關係
眼前(夢中??)只出現一大堆數字－.－"
當辛辛苦苦Check完眼前一堆數後
另一堆數又baba聲彈出黎
成晚就咁不斷重覆又重覆...
簡直係無間地獄 >_< (仲恐怖過猛鬼街既情節)
當我再次清醒既時候
都已經係第二日下晝4點幾時事...