思蜀不樂

 

不經不覺又到了十二月三十一日
相信不少人也喜歡這個日子
它不單表示了整個月的完結
同時也意味著新一年的來臨
於過去一年裡所發生的事
不管好壞也會統統成為過去
像推倒一切般重新開始
而這一天於我也有點特別意義...

對於不希望長壽的我來說
算是剛踏進了下半生的旅程
前半生不愉快的事太多
真的希望這天後能有一個新的開始
從沒有對未來有多少展望
只求安穩地渡過每一天
平淡的生活對我來說已是幸福了

我覺得人們之間的關係很奇妙
各人便像砌圖中不規則的小塊
兩者如有某點相合便能拼在一起
但當出現其他拼合者便可能造成雙方排斥
因每小塊總有些地方不能相容的
而離開的會去找尋新的拼合者
或許到某一天曾分開的它們
會再次不自覺地拼湊在一起
因我們從來只是這圖中的一小塊

很感謝近年來一些新相識的朋友
他們不但擴闊了我的眼界及智識
並在我的生命中加插了不少歡樂畫面
同時也令我明白到快樂不是別人給予
而是需要自己努力去爭取和尋求的

恨不恨由心、樂不樂在人
捨下己偏執、何時不歡愉

在此小弟獻上摰誠的祝福
願各位 -
每日能盡情地笑 
每夜能無憂地眠
但最重要的還是那句：我與你們同在 - 阿威!

PS. 你們可要知道劉禪比諸葛亮快樂呢..

籤出美麗人生

前言:

本來打算寫一篇關於去廣州及回到香港中途遇到既事
但突然發生左一D事令我把該文章無限期壓後
而且，現所寫既事遠為精彩同令人更感興趣 (￣▽￣@)

『剎那既光輝並唔代表永恆』這名句
套用係近半年行大運既某君身上
真是 Perfect Match
點解咁樣講?
請各位觀眾看我詳細道來 (又到講古時間)

話說某君約於半年前
算是陷入人生低潮期 跌(┬＿┬)↘
所謂愛情事業兩失意
在百無了賴之下
參加左我同其他朋友係4月18日所攪既行山團
經過九曲十三彎之後行到去最後一站
佢竟然走左入去間小廟到
向神明許願並"入錢"求籤 (God Bless Me)
同佢相熟的朋友都會知道我點解會覺得驚訝 
唔知係咪佢真係咁神心定係咁啱得咁蹺
跌出來既竟然是一支上上籤 （⊙ｏ⊙） 目瞪口呆…
籤文內容大約係咁講既 :

『工作上有新轉變會有貴人襄助  
期待的愛情已出現於不久之前
原有的阻礙事情亦已變得順利
接受新事物的挑戰也顯得容易』
(以上翻譯內容我地係睇籤文字面估既) 羞(#￣▽￣#)

當見到咁"正"既籤文時
我地成團人都即時O晒咀
不過籤文中第１點批中左一半 (他剛剛離職待業中)
睇佢笑到見牙唔見眼咁既樣
真係有D唔抵得想揼鑊佢
但呢段小插曲好快就係我腦海消失...┐(─__─)┌

一個禮拜後
搵佢出席同事既 Farewell BBQ Party (佢之前都係我公司做)
當係其他朋友口中知道佢拍緊拖
首先是驚訝！然後覺得係流料
直到佢拖住女友既手係我地面前出現
而且呢位女友仲要合晒佢既要求 (咁真係幾難得 ^__^, )
PS. 佢地係上次行山前一個星期初次認識
** 籤文中批出既第２點中...

又過左無耐 (約5月中)
佢之前去考過幾次都衰左既急救牌
今次再去考竟然一 Take OK !!!
** 籤文中批出既第３點又中... 

再過左無耐 (約6月中) 
佢又走左去考電工牌
由知情既人士透露
話佢上電工堂時都表現得雞手鴨腳 ☆( >_<)
直到考試完畢到賽後檢討
佢自己都唔肯定有無攪錯 <(￣oo,￣)/
但最後出來的結果令人大跌眼鏡
自認為熟手技工的知情人士墜馬 
自己做左咩都唔知既人爆冷跑出 汗(￣口￣)!!
** 籤文中批出既第4點再中...

當我仲研究緊有無咁邪既時候
佢就話收到通知
人地介紹in那份工已正式請左佢 (之前in左但無下文好耐)
而且呢份工仲要完全符合佢既要求
唔駛點做、間唔中可以走動下、有得蛇王、仲要人工高、福利好 ○(*￣︶￣*)○
** 籤文中批出既第1點另一半中埋...

由偉大發明家、學說者愛因斯坦先生提出既相對論
以至到我們祖國道家思想中兩儀說法
這兩者學說中都有提及到既物極必反
活生生咁印證左我面前睇到既景況
正當佢自以為愛情事業兩得意之際
烏雲已靜雞雞咁出現係佢頭上面... (￣3￣)

2010.10.16 - 夜:
因為我阿哥今日買左架新單車
阿嫂佢就好有興緻咁決定出車四圍兜下
本來只打算問佢借架單車黎用 (因3個人只有2架單車)
最後都搵埋佢隨隊出發
過程中佢一直表現神勇 (逢彎過彎遇斜衝斜－_－")
同行既我地都覺得有D危險
但礙於佢近來運氣極佳
我直頭覺得佢行出馬路亂跑都唔會比車撞到 (@_@,)
所以就無出聲叫佢要小心D
點知係回程就黎到屋企附近既時候就出左事
依舊心口掛住勇字既佢見落斜路就死衝
佢尾轆係我眼前消失無耐
就聽到好急的剎車聲 (附加一聲慘叫~~~\("▔□▔)/)
當我落到斜路底就啱啱見到佢連人帶車炒上壆 (車胎即時穿左)
係呢一刻 ~ 我知道佢既"眾神之祝福加持"開始褪卻...(′ 3`)y==~

2010.10.17 - 夜:
當日我約左係佢屋企同另外2位朋友竹戰
剛開始時佢亦有提及感情問題 (￣)︿(￣)
隨住時間既飛逝
整個戰況變得可以用慘不忍睹黎形容 ○(￣﹏￣)○
屋主差唔多一面倒咁受到多方面既圍攻
後來連本是同病相憐既對手
都開始係乞衣兜到拿飯食
期後更成為當中一位嬴家
但要講到最致命的一擊
不得不提我嚮最後一舖食左佢既清一色<(￣﹌￣)@m ~ 哈哈
見佢即時面色一灰咁就轉身走開左 （＃－.－）
但係咁都未算最黑...... ╮(﹀_﹀")╭

當我地3個人離開行到去"車立"口
某某發現又"再次"大意咁漏左手機係佢屋企 （⊙ｏ⊙）
另一位朋友就馬上打去屋主既手機
經過一輪既等待 (等佢沖完涼後╭(′▽`)╯)
佢竟然話部電話因為我地打比佢而震跌左落......\("▔□▔)/

由求籤轉好運到開始黑氣上身
剛剛好無多無少6個月...
究竟係物極必反呀?
定係佢無去還神既原因?
其實呢2點都唔係我覺得要深究既地方
而係佢只用左"幾毫仔"就換黎好運既上上籤
難道神明真的咁慷慨 ~(￣▽￣)~

PS. 知情人士唔好響名 ~ 費時我比人( ‵□′)... 看拳o(╬￣皿￣)=○# (￣#)3￣)

天怒人怨

天在怒乎

暴雨傾瀉泥濘滾

戶塌江堵城滿浸

道毀橋斷土也陷

漆黑雷閃作明燈

 

人應怨焉

聞之悲情難以堪

莫忘事出有其因

災頻源於亂開墾

徒使天地不容人

 

PS. 圖片源於【中新網】

悲詞鳳別

吾念昔時與汝初識於虛無
卻竟已舌爭機峰不退
歷日落而月掛經春去冬來
席話間漸把談世情

自汝仕事至今初遇崎嶇
而血親卻遷離難侍於側
君便言不甘寂寞
偶爾吐露思鄉之意
亦言道願嘗闖盪於世間

吾笑汝志何短
豈不聞各舍有其難處
遇難而懼感自縮
縱能遊歷天下亦難尋立命之地

誠然各志有異
唯祈君能自多珍重
莫忘友之良言囑咐
並附詩一首以供雅閱

悲詞鳳別

忽聞驚訊悲咽泣
抖唇難吐力挽詞
鳳欲飛去歸如雁
誰願嘗痛別笑顏

晴空山影

日期：2010.08.01

地點：港島區

目的地：山頂花園

 

話說幾日前 IM 傳來了一個問題 :

「有無興趣呢個星期日去Hea遊山頂花園?」

心諗：「山頂花園? 乜東東黎? 唔... 如果當日無其他事既 去行下都好」

 

星期六下午farewell 某君後

便轉往屯門跟舊同事們竹戰 (本擬定要上大陸 )

經過多次轉場後最終幸能險勝賺取了星期日的旅費 －,－)"

 

精神尚帶點迷糊的在金鐘的港鐵站等候

正當想致電給招集人通知現所在地點時

拿起手機才記起是沒有丁點訊號 --- 原因容後解說 (PS. 這與接收好壞無關)

在收費電話花了2大元後

他們才施施然的從月台步出 ...

 

當我們路經香港公園往山頂纜車方向走去時，發現尚有不少蓮花在盛開

匆忙中拍了幾張 (原早有打算去影蓮花的^^)

 

由於預定 Hea 遊的關係，我們並沒有乘搭纜車而選擇沿纜車旁的【中區自然徑】行往山頂

 

 

既然纜車在附近，而我地又一機在手 ~ 少不免暫時變作 "纜車男女"  ~(￣▽￣)~

 

花了不少時間去等待與拍攝纜車 ~ 我們便繼續征途

 

離開了傳說中的"無盡的之字路"後便到達有富貴大道之稱的"白加道"

這個... 好像是政務司官邸吧

 

 

沿途多見鬼、少見人，更有些洋鬼子或賓賓還拖著幾隻番狗散步

我們一邊漫罵官商勾結，一邊心裡又羨慕著居住這處的 (#￣▽￣#)

當能以用肉眼遠眺"老襯亭"時，便知道離山頂纜車總站不遠了 (這刻我才記起沒有去拍它 @_@")

 

 

上次到這【山頂凌霄閣】是為了去看那臘像館，而這次只是純粹經過及到附近補給

 

在休息其間曾致新轉用之電訊公司查問為何手機今天沒有訊號，它竟然回覆我說是電管局的問題，與它無關！  亦沒有辦法解決，最快要待明天才能使用該服務...... 萬般無奈下只好飽肚灌水後又再上路

 

往上行睇到既景色真係唔錯 ~ 比我上次白白花去10大元係凌霄閣天台睇到霧景正得多 ~ 漲(￣︶￣)↗

 

終到達了目的地【山頂花園】

\(～__～)/  ~~~ 這處鳥語花香、綠草如茵仿如人間天堂

路人甲  按：綠草如茵勉強說得過去、但鳥語花香從何說來 (麻雀仔都唔多見到隻、花又...

這貌似小教堂的建築物原來是公厠......

 

......斜路還是斜路後便可去到觀景台

在此發生了幾段小插曲 -

有人推車落山 (師奶狂奔落山追車~~~~~玩具車)

有人用汽水沖涼降溫 (細路好奇想睇下汽水罐內有什麼)

有人相機沒有電 (連後備電池都... 以為此類事件只會發生某人身上 ^^)

   

 

圖之中央部份看到三支煙囪的島嶼便是【南丫島】

筆者  按：「我也是聽某君說的 ~ 攪錯唔好打臉」

 

係龍虎山仲有個叫【松林廢堡】不過無乜特別唔太值得睇

 

全部都只係好似下圖咁 ~ 似爛屋、爛柱多D

 

又係時候回程 ~ 影多張港灣景色圖先

 

 

最後附上全日路線圖 ~ 有興趣既可以跟住黎行  (PS. 特別嗚謝 Ricky 提供資料)

 

 

後記：

如果山頂花園可以多種些花卉(無乜花既花園...)，或者會變為一個唔錯既影結婚相既場地！ 雖然當日太陽猛左D、路又斜左D，但亦只有咁既天氣先可以影到清晰既風景圖...  而且自己亦打算出一身汗驅病，結果睇黎好似無乜效果咁 (某君  按：邊個叫你唔戒口) ~~ 晚餐我們更是隨興之所至去了尖東某大連鎖店享用 K Buffet (路人甲  按：黎黎去去咪得果個...)，整夜我們只點選了懷舊歌唱 (最後連紫釵記也出動呢 ^^)

褪變

 

人生的旅途上
要作出很多的選擇
這雙已變得粗糙的手
不管它在握緊或是放開
同樣在磨損著原來細滑的表皮

那雙本是無瑕的明眸
陪隨著年歲增長
看到的世界也開始變得模糊
裝備後自以為可看得更清晰
卻不自覺地令度數加深

誰看出這樸實的一雙腳板
曾瘋狂地在田園裡奔跑
但從套上黑皮鞋的那刻
卻唯恐有失而變得止行舉步

爽朗笑聲續漸消失
被那乾歇嘆息代替
身上的一切隨著地球轉動而正在褪變

循環

 

原先身影在面前消失
陌生面孔在身旁出現
滿有他影子的你雖然相似
亦明白往日稱呼再不適用
但總不經意喊著你的名字

兩者間點頭的對答
代替本笑罵的溝通
配合起是如此的自然
感覺上是如斯的熟悉
就像那一天她的離開

鐘聲響起的剎那
到了結束的時刻
既沒有煽情的畫面
也沒有擁抱的道別
不作回頭的妳離去

倒模般的情景
循環地在發生
曾覺是滿為傷感
現漸已變為習慣
認識、共處、道別

場地縱使依舊如昔
人面卻經多番轉移
年資增長的同時
情感相對地減少
也許變得冷漠的只是我吧

蓮花山

 

日期：2010.03.28

地點：東莞長安鎮蓮花山

活動：登山

 

說真的  <(￣﹌￣)@m

這座山沿途都無咩特別的風景

只係辛辛苦苦咁爬完上山後

點都要留返少少感想....

 

在進入蓮花山前已發現不少跟我一樣的遊客

 

行完一段頗長既斜路後就見到第一座涼亭，咁即係表示【蓮花古寺】就到

 

所謂古寺不如話古廟更加適合

   

 

呢個就係我今次既目標 ~ 漲(￣︶￣)↗

(心諗 : 超 ~~~ 我平時行山都起碼幾粒鐘啦，呢千幾級應該難我唔到既  (′ 3`)y==~ )

 

勢估唔到呢千幾級又窄又短 …(⊙_⊙;)…  又完全無可以比人回氣既地方 ~ 汗(￣口￣)!!... 好多人都係行行下就咁坐係土坡邊 (如果係石級平排坐左2個人條路就行唔到 ┐(─__─)┌)

 

當行到頭昏腦脹既時間，發現原來只差百幾級可以完成  ~(￣3￣)~  但呢百幾級就好似生命倒數咁 ☆( >_<)...... 終於到左最後衝刺既大直路 （＃－.－）/r

 

行多幾步就見到一個細細地既休憩處

 

不多作停留便沿石級去較高既觀景檯 (之前沿路既石級只有呢幅圖既3份1闊 ○(￣﹏￣)○)

真係估唔到有咁多人鍾意曝曬  (－,－"

 

睇下塊牌先 ~ 噢! 原來仲可以去其他地方既 ~~~~

唔... 時間關係大岭山都係留返下次先去啦 <(￣︶￣)/

 

係相反方向原來有另一條路可以落返去起點，而且果邊仲有個幾大下既廣場同小食店可以補給下

 

回程既路上有一條分岔路可以到達一個小山頭 ~ 但都係時間關係所以無行過去 ~ 羞(#￣▽￣#)

 

落山既石級較大又較寬闊 ~ 行起黎都無咁辛苦 (￣▽￣@)  但亦有人係呢邊上山 (到落山佢就知死~嘿嘿)

 

睇黎有唔少人覺得破壞自然環境係好正當既事  (((‵□′))怒

 

後話：

前陣病同受傷關係，就休息左一排無做運動... 呢千幾級差D攞左我條老命 \("▔□▔)/ ~~~ 真係輕敵之故… 呢趟係我第一次係國內行山，發現有好多人行山既衣著同一般去街既分別唔大，似郊遊多於行山 (更利害既係我見到有人著高踭鞋添  ╮(﹀_﹀")╭)

太歲入命

 

犯太歲你信唔信?

小弟從來唔信乜犯太歲、沖太歲之類既事

但自從踏入虎年後一直頭頭碰著黑......

 

籌劃好耐想換左房裡面壞左好一段時間既大牛龜 (舊電視)

新年後滿心歡喜咁和同事一齊去SSP挑選 (咁啱又做緊特價 ^_^ )

回家後竟發現idtv有出乎意料既問題 (壞左搖控接收位 ~ 真係估佢唔到 >_<)

當初仲以為係電池問題而比佢玩左幾日 (鹼性、碳性、voltage數...)

最後只有死死地氣咁抬返出去換過部新既 (到目前為止黎講我都幾滿意 ^^)

 

幾日後...

一直用開好地地既 Notebook 無啦啦話池電打柴 ~>_<~

話舊電已經到期叉唔到電 －.－" (原來電池內置晶片紀錄充電次數、時間... 夠數就自己收皮)

↓參考圖 (網上借用)

 

再過幾日...

瞓到凌晨無啦啦頭痛扎醒左

偏頭痛到瞓唔返

只有呆呆咁望住個天花板

直到通知左公司要請假後就亂食D藥落肚

待藥力生效後先可以再次上床再瞓 Zzzz

 

又過兩日...

瞓醒左打算準備返工

點知腳無啦啦又勁痛喎 －.－"

家人話天氣潮濕令我風濕發作 (我仲好後生下喎@_@'")

唉 ~ 又要攞多日病假去睇跌打

醫師話我原來係腳筋發炎 (上次左腳扭到、今次輪到右腳發炎)

題外話 -

而家D跌打醫館都好先進

除下改左用電腦入病人資料外

仲用電子儀器探測病人咩地方受傷

從而對症下藥 ~ 利害！

 

後記：

而家先係過左農曆年無幾耐就攪成咁，仲有成年悠悠長都唔知點過 (～＿～)...…